पाल्पा,२४ चैत । पाल्पाको तानसेन नगरपालिकास्थित काजिपौवामो जिप दुर्घटना हुँदा २ जनाको मृत्यु भएको छ ।
सोमबार राति काजीपौवाबाट कुखुरा लिएर तानसेनका लागि छुटेको लु २ च ६३२ नम्बरको जिप दुर्घटनामा परेको हो ।
दूर्घटनामा चालक बगनाँसकाली गाउँपालिका ४ का २० वर्षिय बिजय खाम्चा मगर र रिब्दीकोट ४ का २७ वर्षिय राज थापाको मृत्यु भएको जिल्ला प्रहरी कार्यालय, पाल्पाले जनाएको छ ।
घाइते दुबै जनाको उपचारका लागि तानसेनस्थित युनाईटेड मिसन अस्पताल पठाएकोमा डाक्टरले मृत घोषणा गरेको प्रहरीको भनाई छ ।
