काठमाडौं, १६ चैत । पछिल्लो २४ घण्टामा देशभर १४१ जना कोरोना भाइरसका नयाँ संक्रमित थपिएका छन् ।
पछिल्लो २४ घण्टामा भएका ३ हजार १२२ पीसीआर परीक्षणमध्ये १४१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कुल संक्रमित संख्या २ लाख ७६ हजार ९८० पुगेको छ ।
स्वास्थ्य मन्त्रालयका अनुसार पछिल्लो २४ घण्टामा कोरोना संक्रमणका कारण मृत्यु हुनेको संख्या शुन्य छ । हालसम्म नेपालमा कोरोनाका कारण तीन हजार २७ जनाको मृत्यु भईसकेको छ ।
पछिल्लो २४ घण्टामा ८२ जना संक्रमणमुक्त भएको स्वास्थ्य मन्त्रालयले जनाएको छ । योसँगै संक्रमणमुक्त हुनेको संख्या २ लाख ७२ हजार ६१२ पुगेको छ ।
