काठमाडौ, १३ चैत । प्रधानमन्त्री एवं नेकपा एमालेका अध्यक्ष केपी शर्मा ओलीले राष्ट्रिय सभा सदस्य सुमनराज प्याकुरेलाई राष्ट्रिय सभामा एमालेका लागि संसदीय दलको नेतामा नियुक्त गरेका छन् ।
यसअघि नेपाल कम्युनिष्ट पार्टी नेकपामा माओवादी केन्द्रका सांसद दिनानाथ शर्मा राष्ट्रिय सभा संसदीय दलका नेता थिए । सर्वोच्चले गएको फागुन २३ गते गरेको फैसलाले नेकपा एमाले र नेकपा माओवादी केन्द्र ब्युँताएपछि राष्ट्रिय सभामा एमालेको संसदीय दलको नेताको पद खाली रहेको थियो ।
प्रधानमन्त्री ओलीले शुक्रबार ३ बजे संसदीय दलको बैठक बस्न अगाडि प्याकुरेललाई नियुक्त गरेका हुन् ।
