काठमाडौं, ६ चैत। सरकारले अधिवक्ता रमेश बडाललाई नयाँ महान्याधिवक्तामा सिफारिस गरेको छ । शुक्रबार अग्नि खरेलले राजीनामा दिएसँगै रिक्त रहेको महान्याधिवक्ताको पदमा सरकारले रमेश बडाललाई सिफारिस गरेको हो ।
पछिल्लो समय सरकारविरुद्ध अदालतमा परेका मुद्दाहरुमा सरकारको प्रतिरक्षामा सक्रिय रहेका बडाललाई प्रधानमन्त्री कार्यालयबाट सिफारिस गरिएको बताइएको छ । बडाललाई महान्याधिवक्ता बनाउने सरकारको सिफारिसमा राष्ट्रपतिले नियुक्ती दिए पछि उनले कार्यभार सम्हाल्ने छन्।
यसअघि अग्नि खरेलले दिउँसो पत्रकार सम्मेलन गरेर नै राजीनामा दिएका थिए । उनले फेरि राजनीति मै फर्कने जानकारी दिएका छन्।
