काठमाडौं, ३ चैत। जल तथा मौसम पूर्वानूमान महाशाखाका अनुसार आज देशको पहाडी भूभागहरुमा मौसममा आंशिक देखि सामान्य बदली रही बाँकी भूभागहरुको मौसम सामान्यतया सफा रहने छ ।
पहाडी भूभागका केही स्थानमा मेघगर्जन र चट्टयाङ्सहित हल्का वर्षाको सम्भावना भने कायमै रहेको महाशाखाले जनाएको छ । साथै मंगलबार राति पनि पहाडी भूभागको केही स्थानमा मेघगर्जन र चट्टयाङ्सहित हल्का वर्षाको सम्भावना रहेको छ।
हाल नेपालमा स्थानीय वायुसँगै पश्चिमी वायुको समेत सामान्य प्रभाव अझै रहेको छ।
पहाडी भूभागका केही स्थानहरुमा मेघगर्जन र चट्टयाङ् हावाहुरीसहित हल्का वर्षाको सम्भावना रहेकोले आवश्यक सतर्कता अपनाउन मौसमविद्ले आग्रह गरेका छन्।
