काठमाडौ, १७ फागुन। गृहमन्त्री रामबहादर थापा बादलले प्रधानमन्त्रीविरुद्धको अविश्वास प्रस्ताव फिर्ता लिएर भदौ २६ गतेको अवस्थामा फर्कन दाहाल– नेपाल नेकपाका नेताहरुलाई आग्रह गरेका छन् ।
सोमबार प्रधानमन्त्री केपी शर्मा ओली पक्षीय गण्डकी प्रदेशस्तरीय भेलालाई पोखरामा संवोधन गर्दै उनले यस्तो आग्रह गरेका हुन् ।
प्रतिनिधिसभा विघटनको बिषयमा सर्वोच्च अदलतको फैसला स्थायीत्वको पक्षमा नभएको उनले दावी गरे । आफूहरुले अदालतको निर्णय मानेपनि फागुन ११ को फैसलाले देशमा अस्थिरता ल्याउने उनको भनाई थियो । उनले सडकको मोर्चा अव संसदमा प्रवेश गरेको र आफुहरुले त्यहाँ विजय प्राप्त गर्ने दावी गरे।
