काठमाडौँ, १४ फागुन । काठमाडौंको तारकेश्वर नगरपालिका साङ्लाफाँटमा बर्डफ्लू भेटिएको पुष्टि भएको छ । तारकेश्वर नगरपालिकामा बिहीबार बर्डफ्लू देखिएपछि साढे १२ हजारभन्दा धेरै कुखुरा र सो क्षेत्रमा रहेको दाना नष्ट गरिएको पशुसेवा विभागले जनाएको छ ।
यो विषयमा केन्द्रीय समन्वय समितिको बैठक भएको र आवश्यक सतर्कताका कदमहरु चालिने विभागले जनाएको छ । नगरपालिकाको विभिन्न स्थानमा रहेका कुखुरा फर्महरुमा बर्डफ्लु देखिएको नगरपालिकाले जनाएको छ ।
स्थानीय कमल गौतम, सरिता शाह, विक्रम गौतम, अमृत थापा लगायतको कुखुरा र्फमा बर्डफ्लु देखिएको पनि नगरपालिका जनाएको छ । यही नगरपालिकामा यसअघि पनि बर्डफ्लु भेटिए पछि सयौँ हाँस नष्ट गरिएको थियो ।
