विराटनगर, ९ फागुन । गत माघ २५ गतेको प्रदेश सभा बैठकमा सत्तापक्षकै सांसदले अवरोध गरेपछि स्थगित भएको प्रदेश नम्बर एकको प्रदेश सभा बैठक आज बस्दैछ । सभामुख प्रदीप कुमार भण्डारीले अनुसार आज दिउँसो २ बजेका बैठक बोलाइएको छ ।
ओली समूहका सांसदले पार्टी औपचारिक रुपमा विभाजित नभएसम्म बैठक चल्न नदिने अडान लिएका कारण आजको बैठक चल्ने संभावना पनि न्यून रहेको बताइएको छ । प्रदेशसभा सचिवालयलका अनुसार बैठक चल्न सकेमा मुख्यमन्त्री राईविरुद्ध दर्ता भएको अविश्वासको प्रस्तावमाथि छलफल हुने कार्यसूची रहेको छ ।
नेकपाको दाहाल–नेपाल समूहका ३७ जना सांसदहरूले मुख्यमन्त्री राईविरूद्ध प्रदेशसभा सचिवालयमा अविश्वास प्रस्ताव दर्ता गराएका थिए । ती मध्ये केही सांसदले भने हस्ताक्षर फिर्ता लिएका छन् ।