भक्तपुर, ५ माघ । भक्तपुरमा केहिसमय पहिले जग्गा किनबेच गर्ने बहानामा एक व्यक्तिलाई कुटपिट गरी लुटपाटपछि फरार रहेका एकजना अभियुक्त पक्राउ परेका छन् ।पक्राउ पर्नेमा सिन्धुपाल्चोकको बाह्रबिसे नगरपालिका–२, का ४२ वर्षीय सोनाम तामाङ रहेका छन् ।
तामाङ सो घटनाको मुख्य योजनाकारमध्ये एक रहेको भक्तपुर प्रहरीले जनाएको छ । गएको असोज २१ गते भक्तपुरको चाँगुनारायण नगरपालिका–८, सुडाल बस्ने ६१ वर्षीय चन्द्रबहादुर योञ्जनलाई कुटपिट गरी लुटिएको थियो । उनको उपचारका क्रममा ग्रीन सिटी अस्पतालमा मृत्यु भयो ।त्यसदिन योञ्जनको पसलमा दुईजना अपरिचित व्यक्तिहरु पुगेका थिए ।
उनीहरुले मादकपदार्थ सेवन गरि आफन्तलाई जग्गा चाहिएको छ भन्दै योञ्जनलाई जग्गा हेर्न भनी पसलभन्दा करिब एक किलोमिटर पर विडोलफाँटस्थित धानखेतमा पु¥याइ त्यहाँ उनीमाथि कुटपिट गरेर उनको साथमा रहेको सुनको ब्रासलेट तथा मोबाइलसमेत लुटेर फरार भएका थिए ।
सोही घटनामा संलग्न तामाङलाई प्रहरीले पक्रेर आज सार्बजनिक हो । महानगरीय अपराध महाशाखाबाट खटिएको टोलीले काभ्रेको धुलिखेल नगरपालिका–१, मयुरपार्कबाट पक्राउ गरि भक्तपुर ल्रेयाइएको भक्तपुर प्रहरी प्रमुख तारा थापाले जानकारी दिनुभयो । तामाङलाई आवश्यक कारबाहीका लागी महानगरीय प्रहरी वृत्त जगाती राखिएको छ ।
