काठमाडौं, २० पुष । आज पश्चिमी वायुको प्रभावका कारण देशभरको मौसम बद्ली भएको छ । काठमाडौं उपत्यकासहित देशका बिभिन्न स्थानमा हल्का वर्षा भएको छ । मौसम बद्लीका कारण देशैभर चिसो बढेको छ भने धेरैजसो हिमाली जिल्लामा हिमपात भएको छ ।
दार्चुला, मुगु, हुम्ला, लगायतका जिल्लाका हिमपात भएका छ । दार्चुलाको व्यास, अपी हिमाल, नौगाड, दुहुँ र मार्मा गाउँपालिकाको उच्च भूभागमा हिमपात भएको छ । यस्तै, हुम्लाको उत्तरी नाम्खा गाउँपालिकामा पनि नै हिमपात भएको छ ।
हिमपातका कारण जनजीवन प्रभावित भएको छ भने मानिसलाई घरबाहिर निस्कनसमेत कठिनाइ भएको छ । चिकित्सकले चिसोबाट लाग्ने रोगबाट बच्न र सजग रहन सुझाव दिएका छन ।
