काठमाडौँ, १३ पुष। सशस्त्र प्रहरीको एपीएफ क्लब समूह विजेता बन्दै प्रधानमन्त्री कप महिला क्रिकेटको सेमिफाइनलमा,एपीएफसंग ६१ रनले पराजित लुम्बिनी समुह उपविजेता बनेर अन्तिम ४ मा ।
सोमबार भएको समूह ए को अन्तिम खेलमा लुम्बिनी प्रदेशलाई ६१ रनले पराजित गर्दै एपीएफ सेमिफाइनलमा प्रवेश गरेको हो । पराजित भएको लुम्बिनी पनि उप विजेताको हैसियतमा सेमिफाइनल पुग्यो । एपीएफले दिएको १ सय २३ रनको लक्ष्य पछ्याएको लुम्बिनी निर्धारित ओभरमा ७ विकेट गुमाएर ६१ रनमात्र बनायो । लुम्बिनीका लागि लक्ष्मी चौधरीले ११ रन बनाइन् ।
लुम्बिनीलाई ६१ रनमा रोक्न एपीएफकी करुणा भण्डारीले तीन तथा सोनु खड्का र रेखा रावलले एकएक विकेट लिए । यसअघि टस जितेर पहिले ब्याटिङ गरेको एपीएफले निर्धारित २० ओभरमा ४ विकेट गुमाएर १ सय २२ रन बनायो । एपिएफकी विकेटकिपर ज्योती पाण्डेले सर्वाधिक ४९, इन्दु वर्माले २८, राजमती एरीले ११ तथा सरिता मगरले १० रनको योगदान दिए ।
सोमबार नै भएको पहिलो खेलमा प्रदेश २ ले कर्णाली प्रदेशलाई पराजित गरेको थियो । यो खेलको नतिजाले भने सेमिफाइनल समिकरणमा कुनै असर गरेन भने प्रदेश २ ले प्रतियोगितामा सान्त्वना जित दर्ता गरेको थियो । मंगलबारबाट समुह बीका खेलहरु सुरु हुनेछ यस्तै समुह बीमा सुदुरपस्चिम प्रदेश, बागमती प्रदेश, गण्डकी प्रदेश र प्रदेश १ रहेका छन् ।
