एजेन्सी , १९ मंसिर । यूईएफए नेसन्स लिग फुटबलको सेमिफाइनलको ‘ड्र’ सार्वजनिक भएको छ । युरोपियन फुटबलको सर्वोच्च निकाय यूईएफएले सेमिफाइनल खेलको तालिका सार्वजनिक गरेको हो ।
सार्वजनिक भएको तालिका अनुसार पहिलो सेमिफाइनलमा इटाली र स्पेन भिड्ने छन् । पहिलो सेमिफाइनल मिलानमा २०२१ को अक्टोबर ६ मा हुनेछ ।
यस्तै दोस्रो सेमिफाइनलमा बेल्जियम र फ्रान्स भिड्ने छन् । दोस्रो सेमिफाइनल खेल अक्टोबर ७ मा टुरिनमा हुनेछ । फाइनल खेल भने अक्टोबर १० मा मिलानमा हुनेछ ।
