कञ्चनपुर, ५ मंसिर । कञ्चनपुरको बेलडाँडी गाउँपालिका वडा नं.५ का वडाध्यक्षको शव झुण्डिएको अवस्थामा भेटिएको छ । बेलडाँडी गाउँपालिका वडा नम्बर ५ का वडाध्यक्ष ५५ वर्षीय कृष्ण बहादुर रोकायाको रुखमा झुण्डिएको अवस्थामा शव भेटिएको प्रहरीले जनाएको छ ।
बिहान ७ बजे मन्दिर जान्छु भनी हिडेका उनीले ८:१५ मा जेठा छोरालाई कल गरेर म केहिछिनमा आउछु भनेको पिडित परिवारले जनाएका छन् ।
वडाध्यक्ष रोकायाको शव घर नजिकैको मन्दिर छेउको रुखमा झुण्डिएको अवस्थामा फेला परेको प्रहरीले जनाएको छ । घटनास्थल मृतक वडाधयक्षको घरबाट २ सय मिटरको दुरीमा रहेको छ ।
अहिले जिल्ला प्रहरी कार्यालय कञ्चनपुरका डिएसपीको टिम घटना स्थल पुगेर मुचुल्का उठाइ रहिरहेको छ । घटनाको थप विवरण आउन बाकी छ ।