एजेन्सी, ११ कार्तिक । इंग्लिस प्रिमियर लिग फुटबलमा टोटेनहमले जित निकालेको छ । सोमबार राति भएको खेलमा टोटेनहमले बर्नलीमाथि १–० गोल अन्तरको जित निकालेको हो ।
बर्नलीको मैदानमा टोटेनहमलाई जित दिलाउन ह्युङ मिन सनले निर्णायक गोल गरे । पहिलो हाफ गोलरहित बराबरीमा सकिएको खेलको ७६ औं मिनेटमा सनले निर्णायक गोल गरेका थिए ।
जितसँगै टोटेनहम लिगको पाँचौं स्थानमा उक्लिएको छ । टोटेनहमले ६ खेलमा ११ अंक जोडेको छ ।बर्नलीले ५ खेलमा १ अंक जोडेको छ । बर्नली लिगको १८ औं स्थानमा रहेको छ ।
