काठमाडौं, २९ असोज । काठमाडौंको सोह्रखुट्टेस्थित एक घरमा ग्यास सिलिण्डर विष्फोट भएको छ । काठमाडौं महानगरपालिका वडा नम्बर १६ फलफूल चोकको एक घरमा ग्यास सिलिण्डर विष्फोट हुँदा ११ जना घाइते भएका छन् ।
विस्फोटमा परि गम्भीर घाइते भएका चार जनालाई मनमोहन अस्पताल लगिएको छ । घाइतेहरुमध्ये तीन जनाको अवस्था गम्भीर रहेको मनमोहन अस्पताल श्रोतले जनाएको छ ।
विस्फोटबाट ठूलो क्षति भएको, घरका झ्यालढोकामा रहेका सिसाहरु फुटेका छन् भने नजिकमा रहेका अन्य घरमा पनि सामान्य क्षति पुगेको छ ।
