आन्ध्र प्रदेश र तेलंगनामा लगातारको वर्षासंगै आएको बाढीबाट २० जनाको मृत्यु

एजेन्सी,२८ असोज । भारतको आन्ध्र प्रदेश र तेलंगनामा लगातारको वर्षासंगै आएको बाढीबाट २० जनाको मृत्यु भएको छ । लगातार २ दिनदेखिको बर्षाका कारण आएको बाढीबाट आन्ध्र प्रदेश र तेलंगनामा २० जनाको मृत्यु भएका भारतीय संचार माध्यमहरुले जनाएका छन् । हैदराबादमा पछिल्लो २० वर्षमा यो नै सबैभन्दा भीषण वर्षा भएको बताईएको छ ।

बर्षाका कारण नदीको सतह बढेकाले पानी बस्तीसम्म प्रवेश गरेपछी कयौं घरहरु डुबानमा परेका छन् । बर्षापछी ठाउँ ठाउँमा पहिरो समेत गएकोले आन्ध्र प्रदेशका थुप्रै घरहरु पुरिएका छन् । बर्षा अझै केही दिनसम्म जारी रहने त्यहाँका मौसमबिदहरुले जनाएका छन् । बर्षाका कारण यातायात सेवा समेत ठप्प हुनुका साथै बिजुली आपूर्ती समेत बन्द भएको छ । आन्ध्र प्रदेशका प्रायसबै स्थानमा ११ देखि २४ सेन्टीमिटर पानी परेको मापन गरिएको छ