काठमाडौं, २७ भदौ । पूर्व माउण्टेनकर्मी तथा नेपाली चलचित्रका सम्पादक अनिल गौतमको सवारी दुर्घटनामा निधन भएको छ । बिहीबार राती करिब ११ बजे बानेश्वरबाट कौसलटार निवास फर्कने क्रममा तीनकुनेस्थित मुन्नी भैरव नजिक गौतम चढेको बा २९ प १४७९ नम्बरको मोटरसाइकललाई प्रदेश ३–०१–००३ क ४५६३ नम्बरको टिपरले ठक्कर दिदा उहाँको निधन भएको हो ।
दुर्घटनापछि बानेश्वरको सिभिल अस्पताल पुर्याइएको गौतमको उपचारको क्रममा निधन भएको ट्राफिक प्रहरी महाशाखाले जनाएको छ । टिपर चालक अहिले प्रहरीको नियन्त्रणमा रहेका छन् ।
गौतमले चलचित्र बिकास कम्पनीलगायत विभिन्न ठाउँमा रहेर थुप्रै नेपाली चलचित्रको सम्पादन गर्नुभएको छ ।
