एजेन्सी, १३ भदौ । इंग्लिस फुटबलको यो सिजनको अन्तिम प्रतियोगिता कम्युनिटी सिल्डको उपाधिका लागि आज राति प्रिमियर लिग च्याम्पियन लिभरपुल र एफए कप च्याम्पियन आर्सनलबीच प्रतिस्पर्धा हुँदैछ ।
इंग्ल्याण्डको वेम्बले रंगशालामा हुने खेल नेपाली समय अनुसार राति सवा नौ बजेबाट सुरु हुनेछ । तीन दशकपछि प्रिमियर लिगको उपाधि हात पारेको लिभरपुल अंक तालिकामा आर्सनल भन्दा ४३ अंकले अगाडी रहेको थियो । दुबै टिम एक अर्कालाई हराएर आज उपाधि आफनो पक्षमा पार्ने दाउमा रहेका छन ।
इंग्ल्याण्डमा प्रिमियर लिग विजेता र एफए कप विजेताले कम्युनिटी शिल्डको फाइनलमा खेल्ने गर्छन् । खेल बन्द रंगशालामा हुनेछ । आर्सनल र लिभरपुल यो प्रतियोगिताको फाइनलमा सन् २००२ पछि खेल्न लागेका हुन ।
यसअघि यी दुई टिम तीन पटक फाइनलमा खेल्दा लिभरपुलले दुई पटक र आर्सनलले एक पटक जितेको थियो ।
