काठमाडौं, २९ साउन । गृह मन्त्रालयले आजदेखि देशैभर सवारी पास वितरणमा रोक लगाएको छ ।
मन्त्रालयले बुधबार पत्राचार गर्दै सवारी पास वितरण बन्द गर्न सबै जिल्ला प्रशासन कार्यालयलाई निर्देशन दिएको हो ।
कोरोना भाइरसको संक्रमण बढेको भन्दै मन्त्रालयले पास वितरण रोक्न भनेको हो। योसँगै अर्को व्यवस्था नहुन्जेलसम्म अब जिल्ला प्रशासन कार्यालयलाई सवारी पास वितरण रोक्न भनिएको छ ।
सरकारले जिल्लाभित्र यातायात चलाउन अनुमति दिए पनि जिल्ला बाहिर जानका लागि पास अनिवार्य भएको छ ।
