काठमाडौं, १३ साउन ।सत्तारूढ नेपाल कम्युनिस्ट पार्टी नेकपाको स्थायी कमिटी बैठक अनिश्चितकालसम्मका लागि स्थगित भएको छ । आज बिहान ११ बजेका लागि तय भएको बैठक अर्को सूचना नआएसम्मका लागि स्थगित भएको प्रधानमन्त्रीका प्रेस सल्लाहकार सूर्य थापाले जानकारी दिनुभयो ।
अध्यक्ष केपी शर्मा ओली र पुष्पकमल दाहालबीच सहमति खोज्ने भनिए पनि पटक पटक असफल भएसँगै स्थायी कमिटी बैठक पनि प्रभावित बन्दै आएको छ । ओली सहमतिमा नआएको भन्दै प्रचण्ड र माधवकुमार नेपाल समूहले बहुमतबाट भए पनि निर्णय गरेर जानुपर्ने र आजको बैठक नरोक्ने भनिएपनि बैठक बस्न सकेन । असार १० गतेबाट सुरु भएको बैठक साउन ६ गते आठौंपटक स्थगित गर्दै १३ साउनसम्म धकेलिएको थियो ।
