एजेन्सी, ६ साउन । इंग्लिस प्रिमियर लिग फुटबलमा आज म्यानचेस्टर सिटीले वाट्फोर्डसँग प्रतिस्पर्धा गर्दैछ । दुई टोलीबीचको खेल नेपाली समय अनुसार आज राति पौने ११ बजे सुरु हुनेछ ।खेल वाट्फोर्डको मैदानमा खेल्नेछ ।
वाट्फोर्डको मैदानमा सिटी जित निकाल्ने लक्ष्यमा रहेको छ सिटी जित निकाल्दै च्याम्पियन तथा लिग लिडर लिभरपुलसँगको अंक दुरी घटाउने योजनामा रहेको छ । लिगको दोस्रो स्थानको सिटीले ३६ खेलमा ७५ अंक जोडेको छ ।
सिटी लिभरपुल भन्दा १८ अंकले पछि रहेको छ । लिभरपुलको ९३ अंक रहेको छ ।यता, वाट्फोर्ड रेलिगेसन क्षेत्र भन्दा एक स्थान माथि रहेको छ । घरेलु मैदानमा वाट्फोर्ड सिटीलाई हराएर रेलिगेसनको खतराबाट माथि निस्कने योजनामा रहेको छ । वाट्फोर्ड लिगमा ३४ अंक जोडेर १७ औं स्थानमा रहेको छ ।
त्यसैगरी आजै अर्काे खेलमा आर्सनल र एस्टन भिल्लाबीच प्रतिस्पर्धा हुदैछ । दुइ टीमबीचको खेल नेपाली समय अनुसार राती १ बजे शुरु हुनेछ । १० औं स्थानको आर्सनलको ५३ अंक रहेको छ । ३१ अंक जोडेको एस्टन रेलिगेसन क्षेत्रमा रहेको छ ।
