एजेन्सी, भदौ १० । म्यानमारको राखिने शहरमा आतंककारीको हमलामा परि कम्तिमा ८९जना भन्दा बढिको मृत्यु भएको छ । मारिनेमा कम्तिमा ७७ रोहींग्या मुस्लिम र १२ सुरक्षा कर्मी रहेको छन् ।
झण्डै १५० भन्दा बढि सदस्यले उक्त प्रान्तमा रहेका २० प्रहरी चौकीमा हमला गरेका थिए । उनीहरुले रकेट लञ्चर, राइफल लगाएतका हतियारहरु प्रयोग गरेका थिए ।
रोहिंग्या समुदायलाई न्याय दिलाउने भन्दै विभिन्न सशस्त्र गतिविधि गरिरहेको समुहले हिसां भड्काएको बीबीसीले जनाएको छ ।
हिसांका कारण उक्त शहरमा बसोबास गर्ने रोहिंग्या समुदायको ठुलो सख्ंया बंगलादेशतर्फ भाग्न थालेको छ ।
म्यानमारकी नेतृ आङ साङ सुकीको सचिवालयले हिसांमा मारिनेमा ७७ जना सशस्त्र समुहका सदस्य रहेको दाबी गरेको छ ।
गत वर्ष देखि सुरु भएको सो गतिविधिका कारण मुस्लिम समुदाय अत्याचारमा परेका छन् ।
