काठमाडौं, १७ असार । कानुन न्याय तथा संसदीय मामिला मन्त्री शेरबहादुर तामाङको अभिव्यक्तिप्रति प्रमुख प्रतिपक्ष दल नेपाली कांग्रेसले असन्तुष्टि जनाएको छ । कानुनमन्त्री तामाङले प्रतिपक्ष दलले अंश खोजेको भनेर दिएको अभिव्यक्तिमा आपत्ति जनाउँदै कांग्रेसले सदनमा जवाफ दिन माग गरेको हो ।
संसदलाई कमजोर बनाउँदै प्रमुख प्रतिपक्षी दल संसदमा नहोस् भन्ने दृष्टिकोणबाट मन्त्री तामाङको अधिनायकवादी अभिव्यक्ति आएको कांग्रेसको टिप्पणी छ ।
आईतबारको प्रतिनिधीसभा बैठकको विशेष समयमा बोल्दै नेपाली कांग्रेसकी सांसद पुष्पा भुसालले मन्त्री तमाङको अभिव्यक्तिप्रति आपत्ति जनाईन । संविधान कार्यान्वयनका लागि प्रतिपक्षी दलको सहयोग लिएर अघि बढ्नुपर्नेमा कानुनमन्त्रीको अभिव्यपत्तिले प्रतिपक्ष दललाई उपेक्षा गरेको उनको भनाइ छ । सांसद भुषाले कांगेसले संसदमा बलियो प्रतिपक्ष दलको भूमिका निर्वाह गर्ने स्पष्ट पारिन ।
मन्त्री तामाङले शनिबार राजधानीमा आयोजित कार्यक्रममा कांग्रेसले संबैधानिक निकायमा अंशबण्डा खोजेको भन्दै भागवण्डा खोज्ने भए सरकारमा सहभागी हुन आउनु भन्ने अभिव्यक्ति दिएका थिए ।
यो पनि पढ्नुहोस :
