काठमाडौं, २१ वैशाख । प्रहरीले नेपाल यातायात व्यवसायी राष्ट्रिय महासंघका महासचिव सरोज सिटौलालाई पक्राउ गरेको छ ।
रिपोर्टस क्लबमा पत्रकार सम्मेलन गर्न आउँदै गर्दा सादा पोशाकका प्रहरीले सिटौलालाई भृकुटी मण्डपबाट नियन्त्रणमा लिएको हो । यातायात व्यवसायीको जारी आन्दोलनको प्रचार प्रसार समितिका संयोजक सिटौलालाई सिन्डिकेटको पक्षमा आन्दोलन गरेको आरोपमा प्रहरीले पक्राउ गरेको हो ।
सिटौलालाई अहिले महानगरिय प्रहरी परिसर टेकुमा राखिएको छ । गृहमन्त्री रामबहादुर थापा बादलले यातायात सेवा ठप्प पार्ने देशभरका यातायात समितिका पदाधिकारीलाई पक्राउ गर्न निर्देशन दिएका थिए । गृहमन्त्रीको निर्देशन लगत्तै सिटौला पक्राउ परेका हुन् ।
