२०८१,११,२
उपराष्ट्रपति रामसहायप्रसाद यादवले वन तथा वातावरण संरक्षणलाई प्राथमिकतामा राखी यसका लागि नीति तथा कार्यक्रमहरु तर्जुमा गरी कार्यान्वयन गर्न आवश्यक रहेको बताएका छन्। मंगलबार नेपाल वन प्राविधिक संघको स्वर्ण महोत्सवको अवसरमा ललितपुरमा आयोजित कार्यक्रमलाई सम्बोधन गर्दै उनले यस्तो बताएका हुन्। उनले पछिल्ला वर्षहरुमा वन केन्द्रित दिगो विकासका लागि विविध प्रयासहरु भइरहेको बताएका छन । नेपालको कुल जमिनको ४६ प्रतिशत ढाकेको वन क्षेत्रलाई कायम राख्दै थप बिस्तारमा टेवा पुग्ने योजनाका साथ अघि बढ्न जरुरी रहेको बताएका हुुन।
उपराष्ट्रपति यादवले पछिल्लो समय तराईरमधेसमा पानीको सतह निकै तल गएको, पानीको स्रोतहरु सुक्दै जानु चिन्ताजनक अवस्था रहेको बताए। उक्त क्षेत्र मरुभूमिकरण हुने अवस्थामा पुग्न समय नलाग्ने जिकिर गरेका छन।
