काठमाडौं, २७ मंसिर । लोकसेवा आयोगले ठुलो संख्यामा शाखा अधिकृतको विज्ञापन खुलाएको छ । आयोगले आज एक सूचना जारी गर्दै राजपत्राङ्कित तृतीय श्रेणी (शाखा अधिकृत)को विज्ञापन खोलेको हो ।
अप्राविधिक तर्फको शाखा अधिकृतमा सामान्य प्रशासन,लेखा परीक्षण,परराष्ट्र,न्याय, कानुन र सरकारी वकिलका लागि खुल्ला र ज्येष्ठता गरी २ सय ६२ जनाका लागि विज्ञापन खोलेको हो ।
दरखास्त पुस १७ गतेसम्म दिन सकिनेछ भने दोब्बर दस्तुर तिरेर पुस २४ गतेसम्म दरखास्त दिन सकिने आयोगले जनाएको छ । दरखास्त आयोगको अनलाइन माध्यमबाट भर्न सकिनेछ ।