काठमाडौं । सर्वोच्च अदालतको अन्तरिम आदेशपछि महाअभियोग प्रस्तावमाथिको छलफल अघि बढाउने वा रोक्ने भन्नेमा दलहरु अलमलमा परेका छन् ।
आज बस्ने व्यवस्थापिका संसदको बैठकमा प्रस्ताव अघि बढाउने कि रोक्ने भन्नेमा सत्तारुढ दलहरु न्ै अलमलमा परेका हुन् ।
एमाले सहित विपक्षी गठबन्धनको नाराबाजीका बीच संसदमा टेबुल भएको महाअभियोग प्रस्ताव अघि नबढाउनू भनी सर्वोच्च अदालतले संसद सचिवालयलाई अन्तरिम आदेश दिएको थियो ।
संसद सचिवालयका अुनसार सभामुख ओनसरी घर्तीले छलफल गरेपछि मात्र आजको बैठकको कार्यसूची तय गर्ने तयारी गर्नुभएको छ ।
प्रमुख विपक्षी एमाले लगायतका दलले महाअभियोग प्रस्ताव फिर्ता लिन सरकारलाई दबाव दिइरहेका छन् । आजको बैठकमा कुन कार्यसुचिमा छलफल गर्ने भन्नेबारेमा कार्य व्यवस्था परामर्श समितिको बैठक बस्दै छ ।
