बटुकनाथ झा,१४ वैशाख जनकपुरधाम । धनुषा जिल्लाको अन्दुपटटी कटरैतमा चितुवाको आक्रमणले घाइते भएका पाँच जना उपचार पछि घर फर्केका छन् । हिजो साँझ चितुवाको आक्रमणले पाँच जना घाइते भएका थिए । घाइते हुनेमा अन्दुपटटी कटरैतका २५ बर्षिय परमेश्वरकुमार यादव, २८ वर्षिय संजिब साह, २५ बर्षिय तिलेश्वर मुखिया, ३५ वर्षिय पञ्चम मुखिया र २५ वर्षिय गीता देवी मुखिया रहेका छन ।
घाइतेहरुको जनकपुर अञ्चल अस्पतालमा उपचार भएको थियो । यता स्थानीयवासीले चितुवालाई घेराहाली मारेको छ । धनुषाका नायब प्रहरी उपरीक्षक मनोज यादवका अनुसार घरेलु हतियार लाठी फरसा लिएर चितुवालाई गाउँलेले मारेको छ । सो चितुवा जंगलबाट एक्कासी गाउँमा पसेको थियो ।
