काठमाडौं, १८ जेठ । अत्यधिक गर्मी बढेपछि तराईका विद्यालयहरु बन्द हुन थालेका छन् । केही दिनदेखि पूर्वी तराईमा अत्यधिक गर्मी बढेपछि विराटनगर र सुनसरीमा विद्यालयहरु बन्द गरिएका हुन् ।
बुधबार विराटनगरको तापक्रम ४१ डिग्री पुगेको थियो ।
सुनसरी सदरमुकाम इनरुवासहित तीन स्थानीय तहले विद्यालयमा बिदा दिएका छन् । इनरुवा नगरपालिकाले बिहीबारदेखि २४ गते बुधबारसम्ममा बिदा दिएको हो ।
यसैगरी, विराटनगर उपमहानगरले गर्मीले स्वास्थ्यमा प्रतिकुल असर पर्ने सम्भावना बढेका कारण महानगर भित्रका सबै क्षेत्रका सार्वजनिक तथा संस्थागत विद्यालयमा बिदा दिएको छ ।
