काठमाडौं । उपराष्ट्रपति पदको लागि आज निर्वाचन हुँदैछ । नयाँ बानेश्वरस्थित संघीय संसद भवनको ल्होत्से हलमा उपराष्ट्रपति चयनका लागि आज बिहान १० बजेदेखि ३ बजेसम्म मतदान हुँदैछ ।
आज साझ ६ बजेभित्रमा परिणाम सार्वजनिक गर्ने निर्वाचन आयोगको तयारी छ ।
संघीय सांसदले संसद भवनको मुल गेटबाट प्रवेश गरेर मतदान गर्नेछन् भने प्रदेशसभा सदस्यले बगैचा तर्फको हरियो गेटबाट प्रवेश गरेर मतदान गर्ने व्यवस्था आयोगले मिलाएको छ ।
उपराष्ट्रपति पदका लागि चारै जना उम्मेदवारी परे पनि एक जनाले फिर्ता लिएकी छिन् । प्रमिला कुमारीले उम्मेदवारी फिर्ता लिएर रामसहाय यादवलाई समर्थन गर्ने घोषणा गरेकी छिन् ।
नेकपा एमालेबाट उपाध्यक्ष अष्टलक्ष्मी शाक्य, जनता समाजवादी पार्टी, नेपालबाट रामसहायप्रसाद यादव र जनमत पार्टीबाट ममता झा उपराष्ट्रपति पदको उम्मेदवार रहेका छन् ।
