काठमाडौं, पुष १६ । प्रधानमन्त्री एवं नेपाली कांग्रेसका सभापति शेरबहादुर देउवाले पार्टी भित्रकै कमजोरीका कारण कांग्रेसले हार व्यहोर्नु परेको बताएका छन ।
आईतबार काठमाडौंमा ‘आजको यथार्थता र राष्ट्रिय मेलमिलाप’ विषयक विचार गोष्ठीमा उनले निर्वाचनमा हारेपछि आफूमाथि विभिन्न आरोप लगाएकोमा अपत्ति जनाए । प्रधानमन्त्री देउवाले कांग्रेसलाई कतिपय ठाउँमा मतगणनाको क्रममा हराईएको आरोप लगाए। उनले निर्वाचनमा हारेपनि देशलाई जिताउने कामको नेतृत्व कांग्रेसले गरेको दाबी गरे ।
उनले समानुपातिकतर्फको निर्वाचनमा कांग्रेसले नहारेको स्मरण गराउदै निराश नहुन पार्टीका नेता कार्यकर्तालाई आह्वान गरेका छन ।
