काठमाडौं, १६ फागुन । युएईमा जारी रहेको आइसीसी यु–१९ पुरुष विश्वकपको एशिया छनोट प्रतियोगितामा नेपालले आज मंगलवार मलेसियासँग खेल्दैछ । नेपालले आफ्नो चौथो खेलमा मलेसियाको सामना गर्न लागेको हो । खेल नेपाली समयअनुसार बिहान १०ः४५ बजेबाट शुरु हुनेछ ।
नेपाल लगातार चौथो जित निकाल्दै आफ्नो अपराजित यात्रालाई निरन्तरता दिन चाहन्छ । पहिलो खेलमा नेपालले शुक्रवार सिंगापुरलाई , दोस्रो खेलमा शनिवार कुवेतलाई र तेस्रो खेलमा सोमवार हङकङलाई पराजित गरेको थियो । मलेसियाले भने चौथो खेलमा दोस्रो जितको खोजिमा रहेको छ । पहिलो खेलमा मलेसियाले कुवेतलाई पराजित गरेको थियो ।
