फागुन ५ गते । सप्तरीमा बोक्सीको आरोपमा एक महिलामाथि निर्घात कुटपिट भएको छ । जिल्लाको बलान विहुल गाउँपालिका–३ कि सोसिता दासलाई बोक्सीको आरोपमा स्थानीयहरूले कुटपिट गरेका हुन् ।
सोसितामाथि छिमेकीको बाख्रा हराएको निहुँमा बोक्सी भन्दै कुटपिट भएको हो । सोसितामाथि छिमिकीको एक समूहले थुपारिएको गोबरभित्र टाउको घुसार्दै कुटेको पीडितको भनाई छ ।
त्यसबारे निवेदन दिन प्रहरीमा जान खोज्दा वडाअध्यक्षले प्रहरीमा निवेदन दिनुनपर्ने भन्दै धम्क्याएको पीडित पक्षको गुनासो छ । कुटपिटबाट सोसिताको शरीरका विभिन्न भागहरू फुटेको, सुन्नेको र भित्री अङ्गबाट अत्यधिक रक्तस्राव समेत भइरहेको परिवारको दाबी छ ।
