काठमाडौं । नेपालमा पछिल्लो २४ घण्टामा ७ हजार २ सय २६ जनाले कोरोना भाइरसलाई जित्न सफल भएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७ हजार २ सय २६ संक्रमणमुक्त भएका हुन् । योसंगै संक्रमणमुक्त हुनेहरुको कुल संख्या ४ लाख १८ हजार ८२९ पुगेको छ ।
त्यसैगरी पछिल्लो २४ घण्टामा ६ हजार ९ सय ३९ जनामा संक्रमण पुष्टि भएको छ । मन्त्रालयका अनुसार देशभर गरिएका २० हजार ९९२ जनाको पीसीआर र एन्टिजेन परीक्षणमा ६ हजार ९ सय ३९ जनामा कोरोना संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा १ सय ६ संक्रमितले ज्यान गुमाएका छन् । योसंगै नेपालमा कोरोना संक्रमणबाट मृत्यु हुनेको संख्या ६ हजार ९५१ पुगेको छ ।
