बर्दिया, २६ असोज । बर्दियाको ठाकुरबाबा नगरपालिकाबाट धानको भुस बोकेर पोखराका लागि छुटेको ट्रकले बिजुलीको लाइन छुँदा करेण्ट लागेर एक जनाको मृत्य भएको छ।
ठाकुरबाबा नगरपालिका-३ जुडपानीबाट भुस बोकेर गएको ना ३ ख ५४८८ नम्बरको ट्रकले बिजुलीको लाइन छुँदा करेण्ट लागेर घाइते भएका बाँसगढी नगरपालिका–३ का २० वर्षका बलीराम थारुको मेडिकल कलेज कोहलपुरमा उपचारका क्रममा ज्यान गएको हो।
अर्का घाइते बाँसगढी-३ कै अर्जुन थारुको सोही अस्पतालमा उपचार भइरहेको जिल्ला प्रहरी कार्यालय बर्दियाले जनाएको छ।
