काठमाडौं, १५ माघ । सर्वोच्च अदालतले अवहेलना सम्बन्धी मुद्दामा प्रधानमन्त्री केपी शर्मा ओली, सहित चारजना पूर्व प्रधानन्यायाधीश र पूर्व सभामुख दमननाथ ढुंगानालाई आफैं अदालतमा उपस्थित आदेश दिएको छ ।
न्यायाधीश मनोजकुमार शर्माको एकल इजलासले अवहेलना सम्बन्धी चारवटा निवेदनमाथि सुनुवाईपछि यस्तो आदेश दिएको हो । उहाँहरुलाई अदालतामा आफै उपस्थित भएर अवहेलान मुद्धामा जवाफ पेश गर्न आदेशमा उल्लेख छ।
उहाँहरुलाई बिहीबारदेखि लागु हुनेगरी बाटोको म्याद बाहेक ७ दिनभित्र आफैं लिखित जवाफ पेश गर्न गरी उपस्थित हुन आदेश दिएको हो । बहालवाला प्रधानमन्त्री र पूर्व प्रधानन्यायाधीशलाई आफैं उपस्थित भएर अवहेलना मुद्दामा बयान दिन बोलाइएका नजिर सम्भवतः यो पहिलो हो ।
प्रधानमन्त्री केपी ओली, पूर्व प्रधानन्यायाधीशहरु मीनबहादुर रायमाझी, कल्याण श्रेष्ठ, सुशीला कार्की, अनुपराज शर्मा र पूर्व सभामुख दमननाथ ढुंगानाले अदालतमा विचाराधीन मुद्दामा प्रभावित पार्ने गरी बोलेको भन्दै अलग अलग निवेदन सर्बोच्चमा परेको थियो।
