एजेन्सी, ३१ असार । अष्ट्रेलियाको चर्चित फ्रेन्चाइज बिग बास लिग बीबीएल क्रिकेट आगामी डिसेम्बर पहिलो साताबाट सुरु हुने भएको छ । बीबीएलले बुधबार खेलतालिका सार्वजनिक गर्दै १० औं संस्करणको लिग डिसेम्बर ३ बाट सुरु हुने जनाएको हो ।
आठ टोलीले सहभागिता जनाउने बीबीएलको फाइनल खेल सन २०२१ फेब्रअरी ६ तारिखमा हुनेछ । सिजनको पहिलो खेलमा एडिलेट स्ट्राइकर्स र मेलबर्न रेनेगेड्सबीच प्रतिस्पर्धा हुनेछ ।
बीबीएलको अघिल्ला दुई सिजन नेपाली राष्ट्रिय क्रिकेट टिमका लेग स्पिनर सन्दीप लामिछानेले समेत खेलेका थिए ।सन्दीपले दुई सिजनको लिग मेलवर्न स्टार्सबाट खेलेका हुन् ।
