एजेन्सी, ५ असार । सामाजिक सञ्जाल फेसबुकले अमेरिकी राष्ट्रपति डोनाल्ड ट्रम्पको चुनावी अभियानले पोस्ट गरेको एउटा विज्ञापन हटाइदिएको छ । घृणा फैलाउन खोजेको भन्दै फेसबुकले राष्ट्रपति ट्रम्पको चुनावी अभियानले पोस्ट गरेको एउटा विज्ञापन हटाइदिएको अन्तराष्ट्रिय संचार माध्यमहरुले जनाएका छन् ।
जर्मनीमा नाजी शासकले प्रयोग गर्ने संकेत ट्रम्पको चुनावी विज्ञापनमा भएको कारण त्यसलाई हटाएको फेसबुकले स्पष्ट गरेको छ । ट्रम्पको चुनावी अभियानको विज्ञापनमा प्रयोग भएको रातो त्रिकोण नाजीले कम्युनिष्टसहितका आफ्ना विपक्षीलाई इंगित गर्न प्रयोग गर्ने संकेतसँग मिलेको फेसबुकको भनाइ छ ।
तर ट्रम्पको चुनावी अभियानले फार लेफ्ट एक्टिभिस्ट ग्रप एनटिफालाई संकेत गर्न सो त्रिकोण प्रयोग गरेको दाबी गरेको छ । एनटिफाले सो रातो त्रिकोण प्रयोग गर्छ विज्ञापनले संस्थागत रुपमै घृणा फैलाउन खोजेको आरोप फेसबुकको छ । आफ्नो नीतिविरुद्ध भएकाले विज्ञापन हटाइएको फेसबुकको दावी छ ।
