राहत प्याकेज उपलब्ध गराउन ट्रेकिङ गाइडको माग | ईमाउण्टेन समाचार

Our Network

चैत ९ २०८०, शुक्रबार

राहत प्याकेज उपलब्ध गराउन ट्रेकिङ गाइडको माग

trekking guide

काठमाडौं, ३० जेठ । पथप्रदर्शकहरुले (ट्रेकिङ गाइड) लकडाउनका कारण रोजगारी गुमेको भन्दै राहत प्याकेज उपलब्ध गराउन माग गरेका छन् । ट्रेकिङ गाइड एसोसिएसन अफ नेपालका पदाधिकारीहरुले कोरोना भाइरस रोकथामका लागि लकडाउन गरिएपछि ३५ हजार ट्रेकिङ गाइडको रोजगारी गुमेको भन्दै राहतको माग गरेका हुन् ।

शुक्रबार नेपाल पर्यटन वोर्डको कार्यालय पुगेर उनीहरुले मागपत्र पेश गरेका छन् । एसोसिएसनका महासचिव सार्की शेर्पाले पर्यटन व्यवसाय नियमित रुपमा सुचारु नभएसम्मका लागि प्रति व्यक्ति १० देखि १५ लाख रुपैयाँ सम्म सहुलियतपूर्ण ऋण उपलब्ध गराउनुपर्ने बताउनुभयो । उहाँले अहिले सबै पथप्रदर्शकहरु बेरोजगार बनेको र दैनिक गुजारा चलाउन समेत समस्या भइरोखको बताउनुभयो ।

ट्रेकिङ गाइड र यसक्षेत्रमा काम गर्ने सबै मजदूरहरुलाई आवस्यक तालिम उपलब्ध गराउन र सामाजिक सुरक्षा कोषमा आवद्ध गर्ने व्यवस्था मिलाउन समेत माग गरिएको महासचिव शेर्पाले बताउनुभयो ।

ट्रेकिङ गाइडहरुले पर्यटन विधेयक २०७७ मा पथप्रदर्शकको भूमिका स्पस्ट गर्न समेत माग गरेका छन् । उनीहरुले अनुभव तथा सीपको आधारमा पथप्रदर्शकहरुको स्तर वर्गीकरण गर्न, राजश्व एकद्धार प्रणालीबाट लिनुपर्ने, सरकारले पर्यटकहरुलाई जारी गर्ने अनुमति पत्रमा टिम्स तथा राष्ट्रिय निकुञ्ज प्रवेश अनुमति पत्र तथा संरक्षित क्षेत्र अनुमति पत्रमा सम्बन्धित पथप्रदर्शकको नाम र परिचयपत्र उल्लेख हुनुपर्ने लगायतका व्यवस्था ऐन मार्फत नै गर्न माग गरेका छन् ।

उनीहरुले टिम्स बापत उठाएको मजदुर कल्याणकारी कोषमा रहेको रकमबाट पर्यटन क्षेत्रमा कामगर्ने मजदुरहरुका लागि राहत उपलब्ध गराउन माग गरेका छन् ।

(function ($) { $(function () { $('#announcementModal').modal('show'); }) })(jQuery);