काठमाडौं, २९ जेठ । यस वर्षको एसईई परीक्षा नहुने भएको छ । मन्त्रिपरिषद् बैठकले यसवर्ष एसईई परीक्षा सञ्चालन नगर्ने निर्णय गरेको हो ।
विद्यालयहरूले आन्तरिम मूल्यांकनको नम्बर परीक्षा बोर्डमा पठाउने र त्यसकै आधारमा ग्रेड निर्धारण गरी नजिजा सार्वजनिक हुनेछ ।
गत चैत ६ गते नै हुनुपर्ने कक्षा १० को एसइई परीक्षा कोरोना जोखिमका कारण गत चैत ५ गतेको कोरोना रोकथाम तथा नियन्त्रण उच्चस्तरीय समन्वय समितिको निर्णयपछि स्थगित भएको थियो ।
