काठमाडौं, २५ चैत । राष्ट्रिय परीक्षा बोर्डले अर्को सूचना जारी नभएसम्म कक्षा ११ र १२ को परीक्षा स्थगित गर्ने निर्णय गरेको छ । मंगलबार बसेको बोर्डको बैठकले परीक्षा स्थगित गर्ने निर्णय गरेको हो ।
बिश्वव्यापी रुपमा फैलिरहेको कोरोना भाइरस संक्रमणको जोखिम बढेको असहज परिस्थितिका कारण कारण परीक्षा स्थगित गर्नुपरेको बोर्डद्वारा जारी सूचनामा उल्लेख छ । बोर्डले अर्काे सूचना जारी नभएसम्मको लागि परीक्षा स्थगित गरेको जनाएको छ ।
कोरोनाका कारण चैत ६ गतेबाट हुने एसईई रोकिएको छ। बोर्डले आगामी वैशाख ८ गतेबाट कक्षा १२ र वैशाख २१ गतेबाट कक्षा ११ को परीक्षा तालिका तोकेको थियो।
कक्षा ११ र १२ मा करिब ९ लाख ६२ हजार परीक्षार्थी रहेका छन् । ४ लाख ६२ हजार विद्यार्थी एसईईको तयारीमा रहेका थिए ।
