काठमाडौं, २९ फागुन । प्रतिनिधि सभाको आजको बैठकमा कालापानीबारे संकल्प प्रस्ताव पेश गर्ने विषय कार्यसुचीबाट हटाइएको छ ।
नेपाल–भारत सीमा समस्या समाधानका लागि कालापानी क्षेत्रबाट भारतीय सेना हटाउन र भारतीय पक्षले अतिक्रमण गरेका नेपाली भूभाग फिर्ता गराउन माग गर्दै संसदमा संकल्प प्रस्ताव पेश गर्ने कार्यसूची तय भएको थियो । तर, संसद सचिवालयले प्रतिनिधिसभाको आजको बैठक शुरु हुनु केही बेर अघि कार्यसूचीबाट उक्त विषय हटाएको हो ।
सत्तारूढ नेकपाका सांसद खगराज अधिकारीले प्रस्ताव पेश गर्ने कार्यक्रम तय भएको थियो । अघिल्लो बैठकमै पेश गरिने कार्यसूची रहे पनि समय अभावका कारण आजका लागि सारिएको थियो ।
