काठमाडौं, २८ फागुन । संस्कृति पर्यटन तथा नागरिक उड्डयनमन्त्री योगेश भट्टराईले सरकार वृहत्तर लुम्बिनीको अवधारणाका साथ अगाडी बढेको बताउनुभएको छ ।
बुधबार लुम्बिनी विकास कोष परिषदको बैठकमा मन्त्री भट्टराईले लुम्बिनी क्षेत्रका स्थानीयहरुको आर्थिक र सामाजिक स्तर उकास्न वृहत्तर लुम्बिनीको अवधारणाका साथ सरकार अघि बढेको बताउनु भएको हो ।
मन्त्री भट्टराईले बृहत्तर लुम्बिनीले त्यस क्षेत्रको पर्यटन व्यवसाय र कृषि उत्पादनमा बृद्धी गर्नुका साथै अन्य कुरामा पनि सहयोग पुग्ने बिश्वास व्यक्त गर्नुभयो ।
लुम्बिनी क्षेत्रको विकास निर्माण, उत्खनन र त्यसलाई एक अर्कासँग जोड्ने काम द्रुत गतिमा अगाडी बढ्ने मन्त्री भट्टराईको भनाई छ ।
