काठमाडौं, २४ फागुन । गृह मन्त्रालयले कोरोनाभाइरसबारे उत्पन्न गरिएका विभिन्न प्रकारका हल्ला र प्रचारबाजीमा नलाग्न आग्रह गरेको छ ।
शनिबार सूचना जारी गरेर गृह मन्त्रालयले कोरोनाबारे भ्रमपूर्ण समाचारको पछि नलाग्न सचेत गराएको हो । हालसम्म नेपालमा कोरोना संक्रमण भएका व्यक्तिहरू पत्ता नलागेको र यसको प्रसाव समुदायमा नभएको अवस्थामा उत्पन्न गरिएका विभिन्न प्रकारका हल्ला र प्रचारबाजीका पछाडि नलाग्न सूचनामा भनिएको छ।
कोरोनाबारे अनावश्यक भ्रम फैलाएर उपभोग्य वस्तु कालो बजारी नगर्न गृहको सुझाव छ । साथै, बढी भीडभाड हुने स्थानमा नजान पनि सबैलाई मन्त्रालयले सुझाव दिएको छ । मन्त्रालयले कोरोना भाइरससँग सचेत हुनुपर्ने तर अत्तालिनु जरूरी नभएको जनाएको छ ।
