इलाम, १८ फागुन । त्रिभुवन आर्मी क्लब इलाममा जारी छैटौँ संस्करणको माईभ्याली गोल्डकप फुटबलको सेमी फाईनलमा प्रवेश गरेको छ ।
आईतबार इलामको ठूलो टुँडीखेलमा भएको दोस्रो क्वाटर फाईनल खेलमा संकटा क्लबलाई २–१ गोल अन्तरले पराजित गर्दै आर्मीले सेमी फाईनलको यात्रा तय गरेको हो ।
आर्मीका लागि दुबै गोल सुडिल राईले गरेका थिए भने संकटाका लागि डेडी बम्बाले एक मात्र सान्त्वना गोल गरेका थिए । माईभ्यालीको छैटौं संस्करणमा बिभागीय टिम त्रिभुवन आर्मी मात्र रहेको छ ।
आर्मीले अव फाईनलमा पुग्नका लागि आयोजक माईभ्याली र मोहम्मडन कोलकोक्ता बिचको बिजेता संग फागुन २२ गते खेल्नु पर्ने हुन्छ । सोमबार लिग बिजेता मछिन्द्र र गोर्खा ब्वाईज रुपन्देहीबीच प्रतिष्पर्धा हुने छ ।
