काठमाडौं, ६ फागुन । पूर्वसभामुख कृष्णबहादुर महराको सांसद पद निलम्बन फुकुवा भएको छ । सोमबार काठमाडौं जिल्ला अदालतले सफाइ दिएपछि महराको सांसद पद निलम्बन फुकुवा भएको हो ।
सभामुख अग्नि सापकोटाले मंगलबारको संसद बैठकमा महराको सांसद पद निलम्बन फुकुवा भएको जानकारी गराउनुभयो । काठमाडौं जिल्ला अदालतले महराले सफाइ पाएको पत्र मंगलबार संसद सचिवालयलाई पठाएपछि उहाँको निलम्बन फुकुवा भएको हो ।
बलात्कार प्रयासको आरोप लागेपछि महराले गत असोज १४ गते सभामुख पदबाट राजीनामा दिनुभएको थियो । महराविरुद्ध प्रहरीले बलात्कार प्रयासको आरोपमा काठमाडौं जिल्ला अदालतमा मुद्दा दायर गरेपछि सांसद पद निलम्बन भएको थियो ।
