काठमाडौं, १४ माघ । सहिद स्मारक ए डिभिजन लिगमा आज दुई खेल हुँदैछन् । पहिलो खेलमा हिमालयन शेर्पा क्लब र सरस्वती युवा क्लब प्रतिष्पर्धा गर्दैछन् भने दोस्रो खेलमा त्रिभूवन आर्मी क्लब जावलाखेल युथ क्लबीच हुनेछ ।
सातदोबाटोस्थित एन्फा कम्प्लेक्सको मैदानमा हुने दुबै खेलमध्ये पहिलो समूहमा हिमालयन शेर्पा क्लब र सरस्वती खेल्नेछन् । अहिलेसम्म एउटा पनि जित हात पार्न नसकेको सरस्वती लिगको पुछारमा छ भने आठ खेल सकिँदा हिमालयन शेर्पा सात अंक बनाउँदै रेलिगेसन जोनभन्दा एक स्थानमात्र माथि छ ।
त्यस्तै दिउँसो तीन बजे हुने खेलमा उपाधिको दाबेदार आर्मी जावलाखेल युथ क्लबसँग खेल्दैछ । आठ खेल सकिँदा आर्मीले पाँच जित दुई बराबरी र एक हारको नतिजा निकाल्दै १७ अंक बनाएको छ ।
जावलाखेल भने आर्मीलाई हराएर शीर्ष ६ मा पुग्ने लक्ष्यमा छ । अहिले आठ खेलबाट १२ अंक बनाएको जावलाखेलले आजको खेलमा जित हात पारेको खण्डमा चौथो स्थानमा उक्लिनेछ ।
