काठमाडौं, २६ पुस । शहीद स्मारक ए डिभिजन लिग फुटबल अन्तर्गत छैटौं चरणका खेलहरु आजदेखि शुरु हुँदै छन् । त्रिपुरेश्वरस्थित दशरथ रंगशालामा हुने छैटौं चरणको पहिलो दिन आज २ वटा खेल हुने छन् ।
पहिलो खेलमा जावलाखेल युथ क्लब र मछिन्द्र आमने सामने हुनेछन् । यो खेल मध्यान्ह १२ बजेदेखि शुरुहुने छ । यी दुवै टिम अपराजित छन् । शनिबारको खेलमा मछिन्द्र विजयी भए केहीबेरका लागि शीर्ष स्थानमा उक्लने छ भने जावलाखेल विजयी भए दोस्रो स्थानमा पुग्ने छ ।
त्यस्तै दोस्रो खेलमा दिउँसो ३ बजे दोस्रो स्थानको मनाङ मस्र्याङ्दी र हिमालयन शेर्पा आमने सामने हुनेछन् । मनाङ विजयी हुँदै शीर्ष स्थानमा पुग्ने लक्ष्यमा रहँदा शेर्पा भने पहिलो जित निकाल्दै तीन अंकको खोजिमा हुनेछ ।
