कपिवस्तु, १४ पुस । कपिवस्तुको यशोधरा गाँउपालिका वडा नं. ३ कार्यालयमा आगजनी भएको छ । बसन्तपुरमा रहेको वडा कार्यालयमा गएराति अज्ञात समूहले आगजनी गरेको हो ।
आगजनीबाट वडा अध्यक्षको कार्यकक्षमा क्षती भएको छ । आगलागीबाट कार्यालयका कुर्सी, टेवल, दराज र कागजपत्र जलेर नष्ट भएको गाँउपालिकाले जनाएको छ ।
दराजमा रहेको ३५ हजार रुपैयाँ समेत लुटिएको र कम्प्युटर, फोटोकपी मेसिन, प्रिन्टर समेत जलेर नष्ट भएको वडा अध्यक्ष सरिता त्रिपाठीले बताउनु भयो । आगजनी किन, कसले ग-यो भन्ने विषयमा अनुसन्धान भइरहेको प्रहरी नायब उपरीक्षक सुनिल मल्लले जानकारी दिनुभयो ।
