काठमाडौं, १ पुस । दोस्रो राष्ट्रिय झण्डा दिवस विभिन्न कार्यक्रम गरी मनाइएको छ । गतवर्षबाट डिसेम्बर १६ मा राष्ट्रिय धरोहर संरक्षण प्रतिष्ठान नेपाल र राष्ट्रिय पोसाक संरक्षण महाअभियान नेपालले राष्ट्रिय झण्डा दिवस मनाउन थालेका हुन् ।
नेपालमा राष्ट्रिय झण्डाको महत्वको बारेमा चेतना फैलाउने उद्देश्यले यो दिवस मनाउन थालिएको अभियन्ता राजानन्द माण्डव्यले बताउनुभयो ।
राष्ट्रिय झण्डाको महत्व नै थाहा नपाएर यसको दुरुपयोग बढेको सरोकारवालाको भनाई छ । सन् १९ सय ६२ डिसेम्बर १६ मा अन्तर्राष्ट्रिय रुपमा नेपाली राष्ट्रिय झण्डा स्थापना गरिएको दिन यो दिवस मनाउन सुरु गरिएको हो ।
